Imtihon savollari

Hujayra ichki (sitozol-yadroviy) ta'sir mexanizmini tavsiflang. Nima uchun bu yo'lda ikkilamchi vositachi talab etilmaydi?

Nima uchun stress javobida tez ta'sir uchun adrenalin, uzoq muddatli moslashuv uchun esa kortizol kerak bo'ladi? Javobingizni ikki mexanizmning tezlik farqi bilan asoslang.

Endokrin tizimning boshqaruv markazi qaysi tuzilmalardan iborat? Gipotalamus qanday moddalar ajratadi?

Gipofizning oldingi bo'lagi qaysi gormonlarni ishlab chiqaradi? Ularning chiqishi nima nazoratida bo'ladi?

Trop gormonlar nima uchun shunday ataladi? Misollar keltirib, gipofizning "dirijyor" roli nimadan iborat ekanini tushuntiring.

Somatotropinni tavsiflang: qaysi hujayra ishlab chiqaradi, kimyoviy tuzilishi qanday va u nimani boshqaradi?

Manfiy qaytar bog'lanish mexanizmini qalqonsimon bez o'qi misolida bosqichma-bosqich tushuntiring. Nima uchun uni termostatga qiyoslash mumkin?

Manfiy qaytar bog'lanish bo'lmaganda organizmda nima yuz berardi? Bu mexanizmning klinik tahlildagi ahamiyatini asoslang.

Nima uchun qalqonsimon bez gormonlari "metabolik gormonlar" deb ataladi? Ularni sintez qilish uchun qanday mikroelement zarur?

Kalsitonin nima, u qachon chiqadi va qanday vazifani bajaradi?

Oshqozon osti bezining endokrin qismi qanday tuzilgan? Langergans orolchalaridagi hujayra turlarini ulushi bilan tavsiflang.

Buyrak usti bezi qanday ikki qismdan iborat va har biri qaysi turdagi gormonlarni ishlab chiqaradi?

Insulin va glyukogonni antagonist gormonlar sifatida qiyoslang: manba hujayra, chiqish sharti, qon glyukozasiga ta'siri va metabolik yo'nalishi.

Insulin qon glyukozasini qanday mexanizm bilan pasaytiradi? Uning anabolik xususiyatini izohlang.

Kortizol va aldosteronning ta'sirlarini qiyoslang. Nima uchun buyrak usti bezi po'stlog'i "ham energiya, ham suv-tuz muvozanatini" boshqaradi deyiladi?

Buyrak usti bezi mag'iz qavati va po'stloq qavatining stress javobidagi rollari qanday farq qiladi? Adrenalinning ta'sirlarini sanab bering.

Prostaglandinlar boshqa gormonlardan nimasi bilan farq qiladi? Nima uchun ular to'qima gormonlari deb ataladi?

Prostaglandinlar biosintezini bosqichma-bosqich tavsiflang: manba modda, fermentlar va oraliq mahsulot.

SOG-2 ning yallig'lanishdagi rolini tushuntiring va aspirin kabi dorilar og'riqni nima uchun kamaytirishini biokimyoviy jihatdan asoslang.

"Har bir endokrin kasallik aslida ma'lum bir gormonning yetishmovchiligi yoki ortiqchaligidir" degan fikrni qandli diabet, Kushing sindromi va o'sish gormoni buzilishlari misolida asoslang. Gormonni klinik tahlil qilishning uch jihatini ko'rsating.