Imtihon savollari

Nima uchun ADF nafas olish tezligini belgilovchi asosiy modda hisoblanadi? ATF/ADF nisbati bilan tizim tezligi qanday bog'langanini tushuntiring.

Respirator nazoratning fizik mantig'ini gradient darajasi orqali tushuntiring: gradient yuqori yoki past bo'lganda nafas zanjiri tezligi qanday o'zgaradi?

Nafas olish zanjirining ishlashida substrat ta'minoti va kislorodning rolini tushuntiring. Kislorod bo'lmasa nima yuz beradi?

Mushak ish boshlaganda mitoxondrial nafas olish qanday va nima uchun tezlashadi? Voqealar zanjirini ADF dan boshlab bosqichma-bosqich yozing.

Ajratuvchilar (uncouplerlar) nima va ular ta'sirida energiya nimaga aylanadi?

Termogenin (UCP1) nima, u qaysi to'qimada joylashgan va qanday vazifani bajaradi?

Oksidlovchi fosforlanishga ta'sir etuvchi uch guruh moddani (ajratuvchilar, ATF-sintaza inhibitori, elektron-transport inhibitorlari) misollari va natijalari bilan sanab bering.

2,4-dinitrofenol (2,4-DNF) zaharlanishida qanday klinik simptomlar majmuasi kuzatiladi? Ularning biokimyoviy sababini va hamshiralik yondashuvini tushuntiring.

Jigarrang yog' to'qimasidagi termogenez nima uchun yangi tug'ilgan chaqaloqlar va sovuqqa moslashishda hayotiy ahamiyatga ega?

2,4-DNF va oligomitsin oksidlanish tezligiga qarama-qarshi ta'sir qiladi. Har birining mexanizmini tushuntiring va nima uchun natijalar teskari ekanini asoslang.

Metabolizmga ta'rif bering va uning ikki qarama-qarshi yo'nalishini izohlang.

Nima uchun katabolizm ekzergonik jarayon deb ataladi va parchalanishda ajralgan energiya qanday tutib qolinadi?

Katabolizmning birinchi bosqichida nima yuz beradi va nima uchun bu bosqichda sezilarli energiya ajralmaydi?

Katabolizm va anabolizm muvozanati buzilsa qanday holatlar rivojlanadi? Har birining mexanizmini izohlang.

Nima uchun ozuqa bir zarbada emas, uch bosqichda kichik qadamlar bilan qayta ishlanadi? Uchala bosqichni qisqacha tavsiflang va energiyaning asosiy qismi qayerda ajralishini ko'rsating.

Katabolizmning "voronka" modelini tushuntiring. Atsetil-KoA uchala ozuqa sinfining qancha qismini o'zida jamlaydi va nima uchun ozuqa energiyasi to'g'ridan-to'g'ri ATF ga aylanmaydi?

Koenzim A nima va uning qaysi guruhi ish qiluvchi qism hisoblanadi? KoA ning vazifasini tushuntiring.

Piruvatdegidrogenaza kompleksi qaysi fermentlardan tashkil topgan va u qanday reaksiyani katalizlaydi?

Nima uchun atsetil-KoA dagi tioefir bog'i "yuqori energetik" deb ataladi? Bu beqarorlikning sikldagi ahamiyatini tushuntiring.

Nima uchun piruvatdegidrogenazaning uchta fermenti bitta katta kompleksga jamlangan? "Substrat kanali" nima?