Imtihon savollari

MODY ni 2-tip qandli diabetdan farqlovchi belgilarni bayon qiling.

Qandli diabetning klassik triadasini sanang va nima uchun 2-tipda u kamroq yaqqol namoyon bo'ladi.

Diabetda ko'p siyish (poliuriya) qanday mexanizm bilan yuzaga keladi? Osmotik diurez tushunchasini izohlang.

Nima uchun 2-tip diabet ko'pincha asoratlar bilan aniqlanadi? Bu diagnostik kechikishning oqibatlari nima?

Och qoringa qon glyukozasi qaysi qiymatdan boshlab qandli diabet mezoni hisoblanadi va bu test qanday sharoitda o'tkaziladi?

Glyukozaga tolerantlik sinamasi qanday o'tkaziladi va uning 2 soatlik natijalari qanday izohlanadi?

Glikozillangan gemoglobin (HbA1c) nimani aks ettiradi va uning diagnostik chegarasi qanday? Uning afzalligi nimada?

2-tip qandli diabet tashxisining to'rt yo'lini sanab bering.

2-tip qandli diabetni 1-tipdan farqlashda klinik va laborator belgilarni qiyoslang.

Nima uchun C-peptid 1-tip va 2-tip diabetni ajratishda ishonchli marker hisoblanadi?

2-tip qandli diabetni davolash qaysi bosqichdan boshlanadi va birinchi qator peroral preparat qaysi?

Nima uchun turmush tarzini modifikatsiya qilish yordamchi chora emas, balki 2-tip diabetning asosiy mexanizmiga ta'sir qiluvchi davolash yo'nalishi hisoblanadi?

Nima uchun 2-tip diabetli bemorda faqat glyukoza emas, arterial bosim va lipidlar ham nazorat qilinadi?

2-tip qandli diabetni davolashda 1-tipdan asosiy farq nimada?

JSST tavsiyasiga ko'ra 2-tip diabet profilaktikasining asosiy choralari qaysilar?

Nima uchun prediabet 2-tip diabet profilaktikasi uchun eng qulay bosqich hisoblanadi?

Gestatsion qandli diabet nima va u qachon skrining qilinadi?

2-tip va 1-tip qandli diabetni sabab, kechish va birinchi qator davosi bo'yicha qiyoslang.

Barcha diabet turlarida tashxis bir xil glikemik mezonlarga asoslansa-da, ularning farqi nimada?

Dars xulosasiga ko'ra 2-tip qandli diabetni boshqarishda eng samarali yondashuv nima va nima uchun?