Imtihon savollari

Glikolizga ta'rif bering: u qayerda boradi, nimani nimaga aylantiradi va nima uchun eritrotsitlar uchun hayotiy?

Glikolizning ikki fazasini nomlang va har birining vazifasini tushuntiring.

Glikolizning umumiy energetik balansini yozing: bir glyukozadan qancha ATF, NADH va piruvat hosil bo'ladi?

Glikolizning birinchi bosqichini tavsiflang. Nima uchun fosforlangan glyukoza hujayradan chiqa olmaydi?

Geksokinaza va glyukokinazani moyillik (affinlik) va to'qimadagi taqsimoti bo'yicha qiyoslang. Bu farq qanday fiziologik ma'noga ega?

Nima uchun aynan PFK-1 bosqichi glikolizning asosiy nazorat nuqtasi qilib tanlangan? Uning faolligi hujayra energetik holatiga qanday moslashadi?

Piruvat mitoxondriyada qaysi ferment majmuasi ta'sirida nimaga aylanadi? Reaksiyada nima ajraladi va nima hosil bo'ladi?

Krebs sikli qayerda boradi va uning har bir aylanishida qanday mahsulotlar hosil bo'ladi?

Anaerob glikoliz va aerob oksidlanishning ATF hosilini qiyoslang.

Piruvatning asetil-KoA ga aylanishi qaysi ikki jihatdan muhim? Qaytmasligining oqibatini va asetil-KoA ning markaziy o'rnini izohlang.

Krebs sikli energiyani qanday ikki shaklda chiqaradi? Nima uchun siklning o'zi bevosita kam ATF bersa ham, uning hissasi hal qiluvchi hisoblanadi?

Glitserofosfat chelnok mexanizmi qanday muammoni hal qiladi va u qanday ishlaydi?

Glyukoneogenezga ta'rif bering: u qaysi manbalardan glyukoza hosil qiladi va qaysi organlarda kechadi?

Glyukoneogenezning to'rtta kalit fermentini sanang. Nima uchun ular kerak bo'ladi?

Biotin nima, u qanday koferment vazifasini bajaradi va tanqisligi qanday namoyon bo'ladi?

Nima uchun och qolganda organizm glyukozani qayta sintez qilishga majbur? Ochlikning turli bosqichlarida qaysi manbalarga tayanadi?

Birinchi chetlab o'tish nima uchun ikki bosqichli (piruvat → oksaloastetat → FEP)? Qaysi fermentlar ishtirok etadi?

Kori siklini tavsiflang: laktat qanday yo'l bosib o'tadi va bu sikl mushak bilan jigar o'rtasida vazifani qanday taqsimlaydi?

Glyukoza-6-fosfataza qaysi to'qimalarda mavjud va nima uchun bu taqsimot qon glyukozasini ta'minlash uchun hal qiluvchi ahamiyatga ega?

Pentozofosfat sikli qayerda boradi, qanday fazalardan iborat va uning maqsadi glikolizdan nimasi bilan farq qiladi?